ربيتك ياولدي //احمد سليم

ربيتك ياولدى
وروحت وسيبتنى
سيبتنى للعذاب
والوحده تهدنى

مشتقالك يا ابنى
ترجعلى تضمنى
تمحى مرار سنينى
دا غيابك هدنى

نفسى اشوف عيالك
وفى حضنى اضمهم
وانت ولا فى بالك
وحايشهم كلهم

نفسى اسمع منهم
كلمة ياستى
دا اعز الولد ياابنى
هو ولد ولدى

مش عايزه منك حاجه
غير انك تجينى
ترجع تقولى ياامه
دا بعدك على عينى
ترجع تاخدنى ف حضنك
وتطبطب عليا
دا انا ياما شيلت همك
إمته تحن عليا

أحمد سليم