سيبوني اكتب /بقلم فيفي الجندي

سيبوني اكتب حروف
علي الورق مش مكسوف
حروف تداري الوجع
لما الألم بيبوح
وحروف لها معني وروح
ذي الوردة علي المجروح
وحروف تمسح الدمعة
من علي الخد لما يدوب
وحروف سقعانة
في عز البرد تعبانة
وحروف متوزعة
علي السطر ومتعطرة
كل حروفي متحزمة
ساعة الضحكة متبسمة
ترقص وتغني موالي
وتعبر عن ذاتي
ياحروف ساكنة وجداني
تملي مش سيباني في حالي
ياحروف بتتمايل
في وسط زهوري وبستاني
ذي فراشة متغندرة
لابسة كل غالي
ياحروفي يامجنناني
متربعة جوه قلبي وعجباني
ياحرف عاش ع السطر غلبان
لالك عزوة ولاخال
مشطوب وقت الدلال
عايش تدور عن موال
ياحروف مسنداني
ياكاتبة قصصي واشعاري
ومجمعة كل الحكاوي
ياحروف بتدلع وتتمايل
وساكنة مع قلمي في كراسي
ياحروف سمعاني
وساكنة بين ضلوعي ووجداني
وضمه فرحي واحزاني
............
فيفي الجندي