تعريف اجتهادي//مرقص اقلاديوس

تعريف إجتهادى
بقلم ..مرقص إقلاديوس
............
هيا الإنسانية..
                 ..بقت خلاص نادرة.
            و لا..بقت فى الكتب فكرة.
            و لا ..كانت و حاليا ذكرى.
                          مش عارف.
طب
فين يدوروا على الإنسانية..
    يدوروا عليها فى العقول و القلوب
          و لا يدوروا عليها بين الديابة.
      و فى صفحات موسوعة الذنوب.
      و لا يدوروا عليها
       فى أعالى الجبال
       و عمق البحور.
    و لا فى الحارات و بين الدروب.
                      مش عارف
يقوللك
طب ينوبك ثواب
عرفلنا الإنسانية.
         الإنسانية
            إن القلوب تهجرها الأسية
            إن العقول يبقالها الحق غية.
            إن اللسان يبقى صدقه ١٠٠٪.
            إن النفوس تصدق النية.
            إن ارواح البشر تبقى عالية عالية.
ادينا قلنا و التعريف بسيط
           ياريت إللى مش عارف.
                     يقول للى عارف.
                            ملاح بحور الحكمة
                             مرقص إقلاديوس